Die woord “buikdans” klink net ’n bietjie te hardlywig vir dié prettige, spontane en uiters vroulike dansvorm. Hierdie Midde-Oosterse kuns word al vir eeue beoefen. Menige koninklikes is al daardeur bekoor en vele kunstenaars en digters is al deur die asemrowende dansers geïnspireer, maar die wat die meeste hieruit put, is die vroue wat daaraan deelneem.

Dis ’n wonderlike reis na die innerlike self waar vroue leer om weer in voeling met hul liggame te kom. Bellydancing klasse bied ’n heerlike netwerk waar vroue, jonk en oud, klein en groot, kort en lank, hul sensualiteit en vroulikheid kan herontdek, en sommer op die koop toe ’n paar kilojoules verbrand.

Daar is natuurlik verskeie opinies oor waar dié misterieuse dansvorm sy oorsprong kry. Een beweer dat dit oorspronklik deel was van antieke vrugbaarheidseremonies en dat vroue dit vir mekaar uitgevoer het. Daar was dus geen manlike toeskouers nie.

Hoe dit ook al sy, dit blyk duidelik dat bellydancing ’n heerlike, ryk geskiedenis het. Om meer oor dié pragtige dansvorm en die verskillende style te leer, besoek gerus die Jewels of the Nile se webwerf by www.bellydance.co.za. Dié befaamde dans-ateljee word as een van Suid-Afrika se toonaangewendste gesagte op die gebied gereken.

Charlotte

In 1989 het Charlotte, ’n teruggetrokke boekhouer, bellydancing probeer – sy het gedink dat dit dalk ’n prettiger alternatief tot die gimnasium of draf sal wees. Maar gou het die gogga gebyt en Charlotte het begin skitter as ’n professionele danseres. Sy is kort daarna deur ’n Egiptiese maatskappy genader, wat haar 'n beurs aangebied het om meer oor haar nuutgevonde passie in Egipte te gaan leer en ontdek.

Hierdie ervaring het haar geïnspireer om die Jewels of the Nile dans-ateljee in 1997 te open, en in 2000 het Charlotte en drie van haar danseresse twee goue medaljes en ’n trofee by die Wêreld Uitvoerende Kunste Kampioenskappe in Los Angeles los gedans. Maar dis nie net haar opleiding, ervaring en passie vir die kunsvorm wat haar kop en skouers bo die res laat uittroon nie.

Haar leermetodes is ook baie vars – sy glo nie daaraan om klone van haarself te maak nie – sy wil elke Jewel help om te groei en te blom as ’n dansgodin in eie reg. Charlotte se holistiese benadering tot die lewe en tot dans het haar ook genoop om opgelei te word as ’n Reiki-Meester, Aromaterapeut, Indiese Kopmasseuse en sy is ook ’n geakkrediteerde CIS en Lewens- en Besigheidsafrigter.

Vir meer besonderhede oor Charlotte of van die Jewels of the Nile, stuur gerus ’n e-pos aan charlotte@bellydance.co.za. 

Hayward's Grand Safaris, Events and Expeditions

Hayward's Grand Safaris, Events and Expeditions bied aan korporatiewe en private  BBP  (baie belangrike persone) eerste klas en vyfster tent safari’s in verskeie Natuurreservate op die Afrika-bodem. Elke Hayward safari word individueel beplan en beloof om al u verwagtinge  te oorskry. 

Hayward Safari’s kan beskryf word as ‘n rondgaande safarikamp wat nie net tot Afrika beperk is nie, trouens hulle kan verskuif na enige plek in die wêreld -  waar u dit ookal visualiseer.

Die totale pakket is uitnemend: van diens en spyseniering tot konferensiegeriewe en vermaak. Opgeleide gidse staan gereed om jou sintuie opnuut te prikkel in die boswêreld rondom jou. Die deeltydse Hayward-hoofkwartiere is geleë in die Bobbejaansberg-Natuurreservaat, 35km noord van Pretoria, in die Dinokeng gebied.

E-pos:  reservations@secluded.co.za
Tel:  0861 732 583 or +27 12 808 0442